林莉放聲氣等仔賀壽
模特兒林莉憑高挑身材由港姐闖入模界，日前獲邀擔任內地婚紗騷壓軸嘉賓，深受品牌喜愛的她，工作不斷。
早前林莉隻身出現銅鑼灣穿梭各名店，睇完靚衫再往歐米茄睇名錶，她在店內行了一轉，對女裝錶情有獨鍾，但最後沒揀中心頭好，她只好轉到超市掃貨，專揀營養燕麥，還買了雪糕大飽口福。
事後記者聯絡林莉，問她富貴睇名錶一事，她表示本月25日生日，揀選名錶只是想獎勵一下自己：「生日如果有工作，我會照接，唔會放假，但夜晚應該會約同事同屋企人食飯。（有冇男士約你？）朋友梗係有，但正日暫時未有人約，依家仲早，希望有啦！」
林莉自爆生日仍未有人約，各位男士係時候行動喇！（資料圖片）
面對名錶，林莉花多眼亂，一下子未能揀中心頭好。
愛買衫是女人天性，林莉Shopping怎少得置裝一環呢？
林莉在超巿買燕麥後，忍不住再買雪糕過口癮。
