法拉賣口乖拒跟阿佘搵人仔
劉璇、陳法拉與黃宗澤等昨日到東港城宣傳新劇《女拳》，提到佘詩曼離巢返內地拍劇，法拉自言與TVB仍有合約，故拒效法：「有人搵過我拍內地劇，但一係撞時間，一係劇本唔啱。（損失好多？）唔係錢嘅問題，唔想求其拍。」提到「未來妯娌」諸葛梓岐將於年底結婚，法拉避忌地說：「唔回應喇！一陣話係，一陣又唔係！（如果請你？）盡量都會去嘅。」
現場所見，曾傳不和的劉璇與法拉勁Friend，對於被指與圈外男友訂婚，劉璇即否認：「真係冇！以前想25歲生BB，依家隨緣。」她表示男友在地球另一邊，會叫他上網睇《女》劇支持。問到想跟誰合作？她笑說：「經理人逼我答陳豪，咁我都好欣賞佢。」
陳法拉自言嚴選劇本，不想濫拍內地劇。
劉璇主動替法拉整理耳環，狀甚友好。