林峯廣州騷畀女捽心口
歌手林峯前晚於廣州舉行演唱會，無綫高層樂易玲亦有捧場。他以勁歌熱舞開場，惟音樂過大而掩蓋其聲音。其後，他與性感女Dancers大跳辣身舞，被圍狂捽心口，歌迷醋意大發不停尖叫。由於場地所限，個唱取消玩火環節，現場的保安亦阻止歌迷走近舞台，惟有將鮮花及禮物掟上台送給偶像，令阿峯險中「頭獎」。
完騷後，林峯舉行慶功宴時自爆，開場時彈上舞台時險失平衡，幸好未有受傷。提到一度音樂過大，他說：「我都覺得係，但最緊要氣氛好，（你有冇唱？）梗係有！演唱會梗係會唱啦！不過今次有新歌，有襯底音樂穩陣啲！」
林峯與女舞蹈員跳辣身舞，惹來粉絲尖叫。
林峯被女舞蹈員「係咁捽」，艷福不淺！
林峯彈上台時險失平衡，幸化險為夷。
樂易玲特別北上撐愛將場。