大島由加利墮地傷頸椎
由於《楊門女將之軍令如山》有不少打仗及武打場面，加上早前在濕滑雪地拍攝，令多位女將先後受傷！繼張栢芝被假刀傷面、劉曉慶傷頭及傷膝後，戲中另一女將大島由加利拍攝武打戲時，因道具問題由十呎高處墮下！陳勳奇說：「當時佢係頭着地，好彩地下係泥地，不過我都即刻送佢入院，醫生診斷佢頸椎受傷，依家返咗去日本休息。（仲有冇佢嘅戲份？）佢傷咗頸椎，但都堅持拍埋所有戲先走。」
此外，周海媚（海味）日前拍攝尾場大型戰爭戲時，右腳被武師的刀劈傷，腳眼登時紅腫一片，令導演大呼心痛！陳勳奇坦言海味受傷後，如大島由加利一樣堅持拍攝，令他被兩位女將義氣之舉深深感動！他說：「其實海味之前都已經畀威吔整親隻眼，依家仲傷埋隻腳，但佢都堅持拍晒套戲先休息，真係好好！」
大島由加利已返回日本休養。（資料圖片）