森美潮Buy《FLASH on》大膽妝容

森美及RubberBand隊長馮家正（阿正）昨晚到銅鑼灣時代廣場，出席時尚周刊《FLASH on》舉辦的《FLASH Outline彩妝藝術互動展覽》。森美欣賞展覽時大讚照片嶄新，化妝大膽新鮮，當中一幅特別吸引，他說：「相中模特兒係東方人，東方人要做特別Style比較困難，呢張相構圖好強烈，有好不同嘅感覺。」他表示一直有留意《FLASH on》的潮流介紹：「睇得出潮流資訊有挑選過，呢點好重要。」並揚言化妝不是女性專利：「男仔化妝都係禮貌，愈來愈趨向一種文化，見古天樂戴大眼仔都嚇咗一跳！」他又透露最愛舊衫及二手衫倡環保。

另一方面，阿正坦言平日因工作不能不化妝，亦同意女仔要有少少妝扮才更明亮照人，更大讚展覽會的相片將化妝與藝術聯繫在一起：「我除咗做音樂，都好鍾意睇畫。（留意《FLASH on》周刊？）一直有睇，最初以為本書只係講女性嘅嘢，原來入面有好多潮流資訊、旅遊、時裝等，加上免費，所以一定支持。（點睇潮流？）唔會盲目跟隨，最重要有個人風格，而我性格就有啲躁狂，我哋四個都有唔同性格，咁樣好啲，會有唔同火花擦出。」