阿佘唔忿輸抄雯女舊路

鄧萃雯連奪兩屆視后取得空前成功，「死敵」佘詩曼有鑑珠玉在前，昨日漏口風表示今年約滿後會改簽部頭約，實行北上賺人仔之餘，清洗「三色血」再與雯女鬥過！

與無綫維持賓主關係14年的佘詩曼，成功由「花瓶」蛻變成當家花旦。雖然她一直流着「三色血」，但近年卻出現「既生雯，何生佘」的場面，阿佘至今只曾一次嘗得視后滋味，反觀「非親生」的雯女已連奪兩屆視后！阿佘心中當然不是味兒，加上拍攝無綫劇集，每集只收兩、三萬元，有傳她已心灰意冷，決定以千萬天價北上拍劇搵人仔。

畢竟與無綫合作多年，阿佘是否真的離巢，可謂踏上人生交叉點。心大心細的她昨日出席《意大利珠寶匯演2011》，是自手傷後首度復工。雖然佩戴千萬首飾兼性感上陣，但她看似心事重重，當被問到是否以千萬身價北上拍劇而離開無綫？她先留一線說：「首先，我好多謝大家關心我何去何從同合約嘅問題，TVB係我娘家，亦係我成長嘅地方，我同TVB嘅關係會Keep住良好！」

「手傷」損失七位數字

不過，阿佘似乎去意已決，問到何時跟無綫約滿？她沒有再轉彎抹角，反而斬釘截鐵地說：「今年！」鑑於雯女也是跟無綫以部頭形式合作，並取得輝煌「錢」途，問到是否學對方轉簽部頭？阿佘也不諱言的說：「我依家都考慮緊！」她還強調日後返內地拍劇，絕對跟錢無關！談到無綫是否開重頭劇給她孭飛作挽留？她只說：「劇集幾時推出，做藝人嘅都唔會知！」

由於手傷關係，阿佘連重頭劇《法證先鋒3》也推掉，對於詐傷及蜜會內地富豪的傳聞，她說：「我唔需要為呢啲古仔作回應！」問到傷勢如何？她表示已大致康復：「依家做緊物理治療，但短期內拍唔到打戲！（失去好多工作同收入？）大家唔好喺我傷口灑鹽喇！新年已經冇得登台，連明知收得嘅劇集都拍唔到！」她坦言因此損失接近七位數。