張文慈收山水畫三地濃情

藝人張文慈（Pinky）自從開設微博後，與內地粉絲拉近距離，早前她到上海一行，更獲贈不少有心思的禮物。雖然山長水遠，Pinky最終親手將所有禮物帶返香港留念，其中一幅「山水畫」稱得上是她的至愛：「呢幅畫係三位來自上海、北京同成都粉絲創作，佢哋身處三地各自各畫，點知拼埋一齊又出奇地連貫，真在好有心思，令我好感動。」由於三人跟隨她逾十年，彼此如知心友般，見面時感覺親切。

另外，Pinky亦收到不少用她肖像印製而成的禮物，包括環保袋及Q版素描等，Pinky的靚相全部來自她微博內上載的照片，可重溫生活點滴：「其實我唔想佢哋破費，特意買嘢送畀我，反而呢啲手作仔仲有意義，物輕情義重嘛！」就如試過有粉絲專程買新鮮豆漿到其下榻的酒店給她作早點，貼心舉動令Pinky甜入心。

張文慈的粉絲十分長情，經常送禮物冧她。

張文慈收到三位來自上海、北京同成都的粉絲創作的山水畫，以及畫像作禮物。