巨聲大孖$0任Talk細孖打機至爽

巨聲孖仔周志文、周志康孖住推介心水App，實用派大孖阿文最愛用「Viber」傾電話，重點是可以免費傾長途：「有好多類似嘅傾電話App，但係好多線路都唔穩定，好易斷線，試咁多隻App，Viber最清晰，佢係用Wi-Fi駁線。仲要係免費，平時我同外國朋友傾電話都係用佢，慳番唔少電話費，好爽！」

推介RPG遊戲

至於細孖阿康身為Game迷，隨機都可以拎出十幾款Game，他特別推介RPG冒險遊戲「Shadow Guardian」，去到邊玩到邊的他說：「呢隻Game喺PS3界好出名，玩家要控制主角開槍殺人，好刺激！我自己都係擁躉，知道有iPhone版即刻下載，依家唔使匿埋屋企先有得打，超開心！」他表示遊戲介面操作簡單，容易上手！

細孖推介

App名：Shadow Guardian

價錢：US$5.99

玩App攻略：用Touch Screen玩RPG冒險射擊遊戲，當然及不上用手掣玩過癮，而控制方面敏感度還是差少少，要摸熟在遊戲攞高分需要一輪熱身練習才可！

大孖推介

App名：Viber

價錢：免費

玩App攻略：Viber用3G或Wi-Fi技術接駁通話，只要通電話雙方都已下載App，就可即時通話。加上選擇網絡穩定的地方，傾免費長途絕對爽爆！