G.E.M.冇「血」性唔益林宥嘉

鄧紫棋（G.E.M.）昨日以灰色背心襯短裙出席Nokia手機活動，袋六位數酬勞任代言人的她，公開要求廣告商贊助其家人，卻冇預緋聞男友林宥嘉：「我冇預佢喎！佢同我冇血緣關係！」並透露經常利用手機上網及玩微博：「萬一唔見咗部電話，可以遙距Send短訊去電話度刪除私人嘢！」忙於為五月紅館個唱打拳練氣的她堅拒送飛給「男友」：「話晒係我第一個紅館演唱會，叫佢自己買飛啦！」

至於同場的now旅遊節目主持杜如風，被問到有否見過老闆李澤楷？她說：「未呀！好想識佢！佢依家單身，快啲輪到我同佢傳緋聞啦！」但隨即否認借對方上位，亦不奢望嫁入豪門。

G.E.M.（左）與杜如風出席手機活動。