麥浚龍Janine9個月速散

麥浚龍（Juno）與女友戴庚玲（Janine）拍拖僅9個月便分手！有指因Juno最近與蒼井空及鄧麗欣拍電影傳出緋聞，加上工作繁忙與女友聚少離多，二人未能達成共識，極速玩完！

積極進軍影壇的Juno，與模特兒女友Janine去年六月閃電拍拖，愛得癡纏的他倆經常出雙入對，不足三個月，Janine便被拍到出入「龍宅」，「升呢」至同居階段，令「龍嫂」地位穩如泰山。不過，小兩口的關係最近起了變化，據知，Juno與蒼井空合作《復仇者之死》傳出緋聞，最近又因與鄧麗欣合作新片《小雙俠》而被指介入「方欣戀」，令女友大呷乾醋。據知，「雙J」曾就事件談判，亦成功「暫緩」分手。

嘗試挽救不果

可惜Juno每天忙於拍戲及錄音，開始疏忽照顧女友，而Janine亦要兼顧模特兒工作，聚少離多下，「雙J」感情漸漸轉淡。雖然他倆曾嘗試「坐低慢慢傾」挽救感情，但最終覺得分手是唯一解決方法，同時確保雙方不再受傷害。

和平分手關係好

記者昨日就「分」訊致電Juno，他說：「大家係喺和平氣氛下分手，依家仲係好朋友，多謝大家關心！（原因係你緋聞太多？）同其他人無關！」至於Janine對記者查詢分手一事大感愕然，她說：「你哋問Juno啦！我冇嘢回應！唔好意思，我依家唔得閒，有機會再講。」隨即禮貌地掛線。