Ana R. JC孖公仔潮聖

《FLASH Outline彩妝藝術互動展覽》昨日舉行，吸引Ana R.、Jessica C.及Natalie S.等名模捧場，齊齊盛裝出席這項潮界盛事，場面熱鬧！

香港首創唯一免費Tabloid Size時尚周報《Flash ON》與多個化妝品牌從藝術角度出發，打造出36幅彩妝作品，包括Christian Dior及Guerlain等，昨日舉行《FLASH Outline彩妝藝術互動展覽》。為一睹這個創意不凡的彩妝藝術互動展，昨日前來捧場的賓客多不勝數！

Natalie讚不絕口

名模Ana R.與師妹Jessica C.（JC）孖住現身，二人不約而同對36幅彩妝作品讚好，Ana說：「啲相影得好靚，睇得出以藝術嘅角度出發，能夠帶出女性唔同嘅一面！」對於「Flash On」代表靈光一閃的意思，她主張人應該擁有不同的靈感，令人生變得豐富，她又認為世上冇醜女人，只有懶的女人：「每個女性都有自己獨特美嘅一面！」而JC則大讚相片予人新鮮感，令人留下深刻的印象。問到女孩子應着重哪一方面的化妝？她說：「眼影好重要！（有冇試過幫男友化妝？）我哋會喺屋企互相敷面膜，有時我會幫佢搽補濕，佢又會幫我腳部按摩！」

諸葛想變麵包超人

至於混血女模Natalie S.則大讚相片造型特別，又對《Flash ON》讚不絕口！她自言平日工作可化到特別的妝容，但私下則選擇簡單的淡妝。而將快嫁入豪門的諸葛梓岐，同樣大讚《Flash ON》既Trendy又有型格：「我最想化麵包超人妝！」她又澄清不是12月結婚，強調婚禮事宜全交由男友安排。

展覽由即日起至本月13日假銅鑼灣時代廣場舉行，市民可以即場上on.cc投票選出5個獎項，頭50名投票者可得化妝禮品乙份。