栢芝為Lucas就學兩頭騰
張栢芝前日被拍得與老公謝霆鋒食飯，還邊食邊咀，大晒恩愛！飯後，架上黑超的栢芝翹實霆鋒離開餐廳，甜蜜滿瀉！
昨日栢芝再出動，湊大仔Lucas到超市入貨，她選購不少日用品及乾糧，似為返內地工作準備。記者上前跟栢芝打招呼，並笑指她放假兩日返港行程豐富？她即說：「我都想放假，今次返嚟係為咗幫Lucas搞學校嘅嘢同拍廣告咋！（前一晚影到你同霆鋒食飯？）咁開工都要食飯o架！」
問到何時返回內地《楊門女將之軍令如山》劇組開工，栢芝說：「之後就返o架喇！今次會返去繼續拍《無價之寶》同《楊門女將》。」說罷繼續推着BB車上的Lucas選購食物。
至昨日黃昏時分，栢芝再在中環巧遇傳媒，其助手遂於微博着大家不要太瘋狂：「辛苦了！」
栢芝邊推着Lucas，邊講電話，未知是否在詢問霆鋒的購物清單呢？
栢芝帶兒子Lucas往超巿入貨，Lucas卻對毛公仔愛不釋手。
霆鋒與栢芝前晚「執到正」恩愛撐枱腳。