孖B媽蔡加敏教吸收鈣質
蔡志明女兒蔡加敏於農曆新年期間誕下孖胎，問到佗孖B的感受，她說：「個肚大得好快，最後兩個月更加辛苦，又重好多，條腰同背脊都好痛。（有咩要特別注意？）要多休息，做產前檢查要細心啲，因為要睇兩個B，如果BB位置唔好會影響BB吸收，所以特別擔心。」飲食方面，她透露無論媽咪或BB都要吸收大量鈣質、蛋白質及Omega 3的食物。
另外，育有一對孖仔的吳家樂對湊B亦甚有心得：「懷孖胎除咗辛苦啲外，心理壓力亦大好多，普通孕婦平時瞓覺會腰骨痛，懷孖胎嘅媽咪負擔更重，太太嗰陣都要打側瞓。至於心理壓力，懷孖胎就要諗兩個，醫生都會提點，好似孖胎如果係順產嘅話，有機會其中一個BB嘅臍帶會翹住另一個BB，做父母少不免多一份擔心。」
早前誕下孖B的的蔡加敏，大談懷孕心得。（資料圖片）