梁洛施外地閉關避傳媒

剛宣布回復單身的梁洛施（Isabella），行蹤及工作安排成為大眾關注的焦點，有指梁洛施於年底復出，Isabella發言人盧覓雪昨日重申：「當時我答話復唔復出同幾時復出，唔係依家考慮因素，你覺得佢好等錢使咩？有記者打嚟求證，我已經答咗唔係，但出嚟又寫到咁。（好多電影人對佢有興趣？）係好事，估唔到咁多人讚佢，證明佢過往努力冇白費。（有人想將件事拍成自傳？）Isabella唔知，但都多謝大家關心。」有指李澤楷與Mandy交往，她說：「李先生講得好清楚，真係唔識Mandy Lieu。」

李嘉誠繼續冇回應

至於Isabella契爺黃秋生透露契女短期內不會返港：「梗係唔會返嚟，博畀人影相呀？」有傳Isabella有機會復出拍戲，他：「無論點我都支持，但覺得好多人發緊夢，十個着九個都唔係真正識欣賞佢才華，只係諗住執金。」另外，Isabella的師傅詹瑞文表示支持徒弟復出，他更會第一個找對方拍戲，至於有傳分手費達30億，他表示不相信，笑言一個人使唔晒。

另一邊廂，李澤楷父親李嘉誠昨晨如常駕駛寶馬房車前往打高爾夫球，他主動向記者說早晨，並說：「我乜嘢都唔會講，對唔住呀！」