Theresa靠海綿寶寶獻「髻」

傅穎（Theresa）有扮靚專家之稱，她最愛捐窿捐罅尋找又平又實用的扮靚用品。繼早前推介過的台灣出品「公主李」假睫毛後，Theresa再力Sell同樣在台灣出產的髮飾用品——「海綿寶寶」，她說：「雖然只係幾十蚊港幣，但呢樣嘢好好用，喺台灣係潮物嚟o架！」

經常要即時變髮出騷的Theresa說：「啲女同事成日埋怨好難紮到髻，但我就覺得好容易，只要有條『海綿寶寶』幫手就得啦！」親身示範的Theresa，先綁一條又高又緊的馬尾，再將「海綿寶寶」夾住頭髮先往前捲入，再像捲冬甩般往後彎曲，將頭髮均勻撥一撥就完成。

最近她發現市面推出「第二代海綿寶寶」，今次廠商改用了海綿，令用家更易自製髮型，她說：「之前因為質地好硬，好難將啲髮夾夾實條髮帶，但依家就好容易夾實，兼且比較輕，用咗都好似冇用咁。」

變身前的傅穎，手持「海綿寶寶」示範。

先綁一條高馬尾，再將「海綿寶寶」夾住頭髮往前捲入。

最後，將頭髮像捲冬甩般往後彎曲，撥一撥便輕易束成富日本風格的髻。