母子檔頭炮 Lucas片酬奀得杯雪糕

張栢芝破天荒讓兒子謝振軒（Lucas）亮相大銀幕，把「母子檔」獻給由王晶執導的新片。對於能說服鋒芝讓Lucas演出，王晶笑言動用了與謝家的三代交情，付出的片酬亦不過是一杯雪糕！

活潑好動的Lucas，一直被多位導演吼實，日前終落實張栢芝與Lucas的母子檔將獻給由歡樂傳媒聯合蛾眉電影集團、中國電影集團公司共同投資製作、王晶執導的《無價之寶》。問到王晶如何打動栢芝答應讓Lucas參與演出？他笑說：「我同謝家係三代交情，加上呢套係一部合家歡電影，所以栢芝先應承畀佢客串。」

請爺爺嫲嫲捧場

對於有指栢芝片酬高達1,000萬元，王晶說：「佢嘅片酬係屬於合乎市場供求價格，我都冇能力控制到明星片酬。（Lucas首次演出嘅片酬係幾多？）就係一杯雪糕！」同時，他透露此片將於今年暑假檔期上演，並笑說：「因為栢芝佢哋一早應承咗Lucas喺暑假電影上映時會請爺爺嫲嫲去睇，所以如果唔可以如期上映，謝賢都一定會搵我算帳，哈哈！」