法拉DaDa鬥慳

市民申訴物價高企，口中總離不開一個錢字，惟財政預算案未能真正為市民紓困，「Neway大嫂」陳法拉呻樓價高企；陳靜（DaDa）盡量少碌卡，慳得就慳；睇埋銀包啲「餡」，就明白佢哋為乜呻「慘」！

影視界

貴為億萬少爺薛世恒女友的陳法拉，獲無綫力捧，賺錢能力自然勁，不過法拉都嘆香港乜都貴，所以都要慳，至於霍啟剛緋聞女友趙彤則愛儲VIP卡，在多間名店都有折扣優惠，果然是慳得一蚊得一蚊。

「我覺得香港啲樓價真係高到離晒譜，暫時冇打算買樓，依家都係租樓住，點慳？盡量唔出街食囉！我鍾意買食物返屋企煮，例如差唔多質素嘅牛扒，出街食會貴好多，咁點解唔留喺屋企整？又可以健康啲！」

「依家有BB，食物方面都冇得點慳，因為都會買啲營養豐富嘅食物，通常有機蔬果等食物係會貴啲！但只要BB同我健康就得。」

「香港生活真係幾高消費，好彩我唔係好鍾意出街，所以慳番唔少，我收工通常會即刻返屋企，遠離街上啲店舖引誘，咁每月慳番唔少。」

「我平時會帶一千蚊以內現金出街，銀包好多VIP卡，如果我想買嘢，就盡量去有VIP卡嘅地方消費，咁就可以攞到一定折扣。」

寫真熱潮冷卻，模紛紛轉型拍戲，由於已具知名度，同時獲不少廣告商邀拍廣告，因此有一定賺錢能力，其中人氣急升的「百果園咪神」陳靜更揚言要10年賺1億元，為早日達標，她不敢亂花錢。

「算帶得少o架啦！因為我唔係好鍾意去銀行撳錢，平時做嘢搭車出入唔經銀行，所以帶住啲錢方便啲！我反而冇乜信用卡，我都係上年先申請信用卡，亦都盡量少用，唔簽咁多卡數，咁就可以避免愈簽愈多。」

「因為依家仲返緊學，我盡量每日都慳住使，通常都係帶百幾蚊返學，會用大約70蚊作為午餐同交通費，不過學校餐廳都好貴，成30幾蚊一餐，有時我會同幾個同學Share嚟食。」

「我鍾意用個散紙包當銀包用，個銀包細咗就唔會帶咁多錢，如果想買衫都會用提款卡，我發覺帶少啲現金出街，會令我用少咗錢。」

唱片市道持續低迷，不少歌手都要諗計賺錢，爸爸級的張繼聰坦言要慳得就慳，不過每月生活開支仍要達五位數。

「依家真係乜都貴，唔計家用我個人支出都要5位數字，其中最貴係油錢，依家我唔使做嘢會選擇踩單車，由大埔屋企踩去沙田都試過。」

「我銀包有鎖匙、卡同身份證，通常都唔會帶太多現金去街，買嘢都係用卡，之前逗咗好多利是，依家都係用住利是錢。」

專案組