JC遇突襲一味靠縮
警鐘胸女模Jessica C.近日雖與周秀娜屢傳不和，但得知對方遭阿驄突然熊抱深表同情，她說：「我唔喺現場，但如果佢（周秀娜）Feel Bad嘅話，我希望佢心情可以快啲好番。（有冇試過畀人突襲？）未試過！我好敏感，有乜唔妥會即刻縮，而且去玩又有男友陪住。（亞視有冇搵你上《智醒智勁四方城》？）冇呀！我都唔識打麻雀！」
另外，娜姐與Jessica前晚一同出席活動，身穿低胸白色連身裙的娜姐盡騷事業線，成為全場最性感，她說：「天氣回暖嘛！要支持吓太陽能計劃。（預備出寫真？）雖然過去兩年都有出，但有新概念或者有電影宣傳先啦！」提到早前有傳Jessica嫌棄跟她出寫真？娜姐說：「唔信佢會厭棄，所以唔問喇！會唔會一齊再拍嘢，都要等電影公司安排。」她同場見Jessica未感尷尬，還大方合照。
Jessica C.笑言經常有男友在身邊，未試過被「突襲」。