為宣傳下月舉行的棟篤笑，張達明近日四出扮嘢並入殺鬧市宣傳，繼早前以惡霸造型到維園「收陀地」後，日前直踩海洋公園扮遊客，他邊排隊邊擺出奇怪甫士搞搞震，成功吸引市民圍觀，為排隊排到發呆的市民帶來歡樂！
不少市民發現他後都爭相拍照，張達明又不停跟現場市民互動，捉着小朋友問：「我靚仔啲定你靚仔啲？」有小朋友「識趣」地讚他靚仔，亦有人被他嚇到走夾唔抖！張達明表示看完海洋公園客滿報道後，決定踩場：「估唔到啲人想去海洋公園，連飛都買唔到！但唔緊要，可以留番啲錢買飛睇我個騷！」
張達明在海洋公園擺趣怪甫士，吸引市民注意。
