周筆暢堅守Style轉型求新鮮

周筆暢憑獨特個性獲Bossini垂青邀合作，近年不停轉形象的她坦言，不擔心歌迷認不出她，並強調可給予歌迷新鮮感，但絕不會作性感打扮：「唔啱自己性格。」

內地歌手周筆暢日前穿上Bossini與藍精靈合作的Tee拍攝廣告，應攝影師要求擺出多個得意樣，更不理弄濕褲子坐在草坡上，最終Pat Pat位全濕透，她說：「唔緊要啦！工作嘅嘢係預計唔到，最緊要效果OK同鍾意。（酬勞好高？）交畀經理人，今次係我香港第一個廣告，自己唔係成日嚟香港，大會搵我真係好開心！」

抗拒性感

近年轉了多個形象的周筆暢說：「畀到好多新鮮感大家。（唔驚歌迷適應唔到？）唔怕，反而唔同形象先係真正嘅我，加埋我副不變嘅眼鏡。」由於她曾穿透視裝出席內地頒獎禮，問到是否行性感路線？她笑說：「當日我有打底o架！性感唔會啦！（着吊帶配熱褲？）覺得好怪，唔啱自己性格。」

對於藝人將舊衫作義賣，周筆暢說：「好多時我都會番着啲衫，如果啲衫唔再着就會捐畀啲機構。」不說不知，原來她經常參與慈善活動，問到有否想過成立個人基金？她說：「有心就得，唔使一定要成立乜會同基金。」