Rain密搵人仔樂做潮媽

近年李彩華（Rain）轉戰內地市場，Rain接受《娛樂on Show》訪問時坦言「人仔」好賺，「已為人母」的她更大爆不介意當潮媽！

近年李彩華專注在內地拍劇，最近才返港，即被拍到出入千萬豪宅，難怪她接受《娛樂on Show》主持俞詠文（Angela）訪問時坦言「人仔」好賺：「都OKo架！」其後Rain更說：「慶幸早幾年已經喺內地拍劇，所以依家生活都可以舒服啲！而且內地拍完一套劇後，佢哋會成日不停重播，好似喺邊度都可以見到自己，幾好o架！」

大方重提羅霖

鏡頭前的Rain依舊明艷照人，主持Angela取笑她「已為人母」，她笑說：「十幾廿歲成年就生得！」原來她在內地劇《回家的誘惑》飾演媽媽，坦言角色是入行後最大挑戰：「自己感到大壓力，但我唔介意演又靚又有品味嘅媽咪。」

訪問中，Rain亦不介意談及她與羅霖的糾紛：「件事冇唔開心，反而就頭痛囉！因為嗰時好多新聞，啲朋友不停打電話嚟問，其實我本身真係唔識佢，係趙小姐介紹先識，我好驚同新經理人磨合，所以依家會自己搞得掂就自己嚟！」