林欣彤緊張甩嘴

林欣彤前晚與師姐鍾舒漫錄影節目鬥歌喉，但林欣彤緊張甩嘴需重錄一次，幸獲師姐力撐，還笑言會介紹老師給她習舞。

同屬英皇旗下的鍾舒漫（Sherman）與林欣彤（Mag）前晚錄影《勁歌金曲》，是Mag加盟後首次與師姐合唱，但合唱《給自己的信》時Mag一度甩嘴而需重錄，事後她大呼緊張，幸好獲Sherman激讚：「佢綵排時唱得好好，我覺得佢好可愛，又有壓台感，希望佢繼續咁鍾意音樂。（有咩教師妹？）我都仲係小學生，大家一齊學習。」問到會否傳授舞技？Mag在旁狂點頭，Sherman笑說：「咁我介紹老師畀佢，一齊上堂啦！」問到Mag有何新工作計劃？她表示即將畢業，故先要專心讀書。

劉璇認獲無綫厚待

同場錄影嘉賓還有劉璇及李治廷等，穿上四吋高跟鞋的劉璇獻唱劇集《女拳》片尾曲。對於有指無綫為捧她而刪減陳法拉的戲份，劉璇說：「套劇係講黃飛鴻，我演佢最後一個老婆，好多打戲，戲份係幾多！我同法拉戲內戲外都係好朋友，只係分配唔同，唔驚傳言影響感情。」不過她直認獲公司厚待：「公司對我好好，可能知我以前做運動員辛苦，所以先苦後甜。」