李亞男眼中祖藍似偉仔

王祖藍與女友李亞男昨日在將軍澳電視城前後腳出席活動，亞男談及男友被踩不及林峯和鄭嘉穎，她立即加以捍衞，自爆第一次看祖藍的電影，已經覺得他舉手投足如梁朝偉般有型。

李亞男昨日與楊秀惠、何傲兒、馬賽、陳爽和黃德斌等為無綫直播《第八十三屆奧斯卡金像獎頒獎禮》舉行記者會，亞男接受訪問時坦然介意男友王祖藍拍親熱戲，希望愈少愈好，並警誡男友不要博懵。

談及咀過的對手林峯、鄭嘉穎比祖藍優勝，她即維護男友說：「唔係呀！佢都好有型呀！我第一次睇佢嘅電影，覺得佢好似梁朝偉，但祖藍阿媽聽到話笑問係咪『梁朝歪』呀！」果然是情人眼裏出西施。

亞男透露男友稍後將教她與多位好姊妹演戲，她笑說：「以前都跟佢學過做戲，嗰陣唔識點樣喊，佢用衣架打我手板，畀佢打到識得點喊。」

合力挑戰黎耀祥

另一邊廂，汪明荃、「福祿壽」王祖藍、阮兆祥和李思捷等昨日為新劇《荃加福祿壽探案》試造型，「福祿壽」接受訪問時揚言要合力挑戰黎耀祥的「視帝」寶座：「三個臭皮匠，勝過一個黎耀祥，我哋三位一體爭男主角獎，林峯、陳豪、祥仔小心喇！」祖藍坦言沒有預女友李亞男參與演出：「遲啲先，唔使一次晒冷嘅！」