小齊被長槍傷眼狂標血
任賢齊前晚於蒙古拍攝新片《楊門女將》煞科戲，與對手以長槍對打，當地氣溫低至零下四、五度，對手一時反應稍慢，長槍直插小齊右眼，全場大為緊張，當時小齊只覺眼前一黑，工作人員即時將他按在地上，小齊說：「我聽到有人大叫『送院、送院！很多血！』其實我淨係有少少痛，不過當時好黑乜都睇唔到，差啲畀佢哋嚇死，以為自己盲咗。」
小齊雖然不停解釋只是小事，但旁人仍嚴陣以待，及至助手前來協助才稍為安定下來，他說：「梗係成面血啦！係化妝嚟o架！佢哋根本分唔清假血定真血，我只係右眼瞼畀長槍輕微擦損同腫咗。」對於有傳同片拍檔張栢芝不肯放期演出，小齊力撐她工作認真，更表示兩人的對手戲在新年前已拍完，故他準備給栢芝兒子的利是仍未送出。
任賢齊拍戲受傷，適逢當時化了妝，被誤以為傷勢嚴重。
《楊門女將》煞科，小齊偕台前幕後來個大合照。