汪圓圓獲「讚」冧爆變四萬
自與「玩具大王」蔡志明兒子蔡加讚的戀情曝光後，汪圓圓前晚首次出席公開活動，看來春風滿面，提起戀情更一副冧樣，笑到「四萬咁口」說：「我哋啱啱開始。（見咗家長？）私人嘢唔想講！」問到是否不想影響男友的工作，以及要保護新戀情？她說：「大家都尊重大家嘅事業！我對感情、愛情好認真，唔想講太多私人事！」
「我真係好開心」
不過受訪期間，圓圓仍難掩喜悅：「我依家真係好開心！新一年有工作，又加入咗新公司同家姐（汪詩詩）一齊工作！」問到是否拍拖最開心？她又甜絲絲地說：「咩方面都好開心！（會唔會唔接親熱戲、性感嘅工作？）要問番公司，等家姐安排！（男友唔畀？）要問番佢！（點解唔講得？）我鍾意低調啲，拍拖係兩個人嘅事。不過都好多謝大家恭喜我！」而Jocelyn及Jessica C.等則負責行騷。
汪圓圓有愛情滋潤，春風滿面！
Jessica C.及Jocelyn等擔任模特兒，爭妍鬥麗。
汪圓圓與蔡加讚十指緊扣，戀情曝光！（資料圖片）