周汶錡紅鸞星動嫁得
樂基兒望生仔，周汶錡（Kathy）則希望出嫁！與法籍男友Julien Lepeu拍拖多年的Kathy，一直未有結婚打算，有相士指她今年紅鸞星動，出嫁機會甚高！前晚她以特別嘉賓身份出席派對，身穿低胸連身裙的她，問到今年是否嫁得出？她笑說：「希望啦！都等咗好多年喇！不過真係唔知，呢啲嘢要發生就發生！（有冇計劃？）都未發生！（男友未求婚？）未傾，應該有機會嘅！我依家保留唔答，不過接受大家嘅祝福！」問到可有被媽咪催婚？她笑說：「媽咪唔會畀壓力我！（怕唔怕畀人話攝灶罅？）盡力而為啦！係你哋逼我多啲！」
周汶錡坦言恨嫁，欣然接受大家祝福。
Kathy（左）與樂基兒傾到雞啄唔斷，莫非分享湊「仔」經？
陳奐仁（左）與換了新髮型的周柏豪睇騷。