完成亞洲巡迴 Taylor高呼正斗

美國鄉謠小天后Taylor Swift前晚在港開騷後，昨日在網上大讚「正到唔似真」，令她非常難忘！

以香港作為亞洲巡迴演出最後一站的Taylor，前晚開騷前先於Twitter留言自爆愛上香港，演出期間則換上多個不同造型，唱出《Speak Now》及《Dear John》等多首大熱作品！唱到《15》時，她更帶領全場大合唱，場面感人！最後她拿起閃爆結他，自彈自唱《Love Story》閉幕。

完騷後，Taylor再於Twitter留言：「香港，尋晚個騷真係好正，正到唔似真！亞洲巡迴演出實在難忘，我愛你哋！再見喇亞洲！」她的上一張專輯《Fearless》達白金唱片銷量，開騷前獲唱片公司頒發白金唱片。

興奮扮藝伎

另外，Taylor接受美聯社訪問，提到成為鄉謠音樂國際級歌手時說：「我好鍾意鄉謠音樂，對於世界各地都接受鄉謠音樂，我感到好興奮！」她又表示在不同語言地區得到支持是一種榮譽。問到亞洲之行可有寓工作於娛樂？她說：「新加坡就去咗唐人街，香港就去咗沙灘，東京就去咗行街同扮藝伎！」她更把自己跟樂隊的和服照放上網。