千嬅開齋封后歡迎問價

楊千嬅開齋奪得首個電影獎項，還越級榮升「楊影后」，昨日她談及得獎感受時，激動到熱淚盈眶！她更自爆片酬不高，絕對可面議。

昨日《第十七屆香港電影評論學會大獎頒獎禮》在香港電影資料館舉行，楊千嬅、泰迪羅賓、導演岸西、台灣導演蘇照彬等得獎者均有出席。憑電影《抱抱俏佳人》首奪「最佳女演員」的千嬅，特別以白色大露背裝現身，期間更應要求影背脊，名正言順做埋影「後」！

可不收分文

在杜琪峯手中接過獎項後，千嬅表示很緊張，更愈說愈激動，台下嘉賓即着她冷靜，千嬅深呼吸後說：「我要多謝出道以來畀機會我拍戲嘅人，從歌手變成演員身份，每一部戲演出都係學習機會，小朋友年少無知，對電影認知唔深，多謝大家對我忍耐同包容，有冇努力係唔夠，『畀機會』三個字係好難得，我會繼續努力。我唔係好貴，可以面議o架！」問到片酬是否可面議？她笑言很多時都是私下有共識，至於可否不收分文，千嬅說：「如果公司唔抽佣都OK，好多時做慈善都唔收演員費，大家有共識就冇問題。」

而勇奪「最佳男主角」的泰迪羅賓透露，此乃首個在港獲得的獎項，故心情異常興奮，他說：「其實我做戲唔多，好多人以為我係幕後人，攞獎係意料之外，但老闆話要請我哋成班人食飯慶祝喎！」