黃婉曼（Icy）因主持遊戲節目《撳錢》而人氣急升，但負面新聞亦隨之增加，她說：「冇辦法，梗有人鍾意同唔鍾意。（唔開心？）我唔開心係唔想成為焦點，只想做好份主持工作，唔係想做明星。我知自己做得唔夠完美，會接受意見同改進！（男友安慰你？）冇男友呀！（前男友安慰？）佢有叫我畀心機做，唔使理人點講。（佢咁細心，諗過復合？）唔關事，佢一向都細心！」另外，本月27日晚播出的《撳錢》獲得贊助，獎金將由10萬元提升至20萬元，而12月會送出額外100萬元的巨額獎金。
黃婉曼表示只想做好主持工作，會接納意見。
