林夏薇「星」呢拒靠堂兄林峯
歌手麥浚龍（Juno）的模特兒女友戴庚玲（Janine）與林峯堂妹林夏薇（薇薇）等昨日為手錶品牌擔任模特兒，首次擔任模特兒的薇薇希望作多方面嘗試，問到可會考慮加入無綫？她說：「暫時冇諗過，之後會喺香港做舞台劇，以前就喺內地拍過電視劇同廣告。（因林峯而名氣提升？）可能會。（靠佢嘅關係？）我哋成家人都係自己努力嘅，成就感大啲，開心啲。」她又大讚堂哥林峯靚仔，會永遠支持他。
至於Janine表示沒有到Juno家拜年，坦言未到見家長階段，情人節則與Juno食飯慶祝：「大家都係送銀包畀對方，好啱！」她笑指Juno約會時會Chok樣及擺甫士。而Juno則在微博中透露食物中毒，記者致電求證，他說：「可能早幾日喺屋企打邊爐食錯嘢，又屙又嘔搞到要睇醫生，休息咗一日。」
林夏薇擔任手錶模特兒，艷光照人。
戴庚玲認為與Juno還未到見家長階段。