遭「會員」炮轟15宗罪 黎燕珊否認攬權

復會以來是非多多的《仁美清叙》，昨日又有聲稱是「仁美」的會員作出投訴，列出「15宗罪」炮轟「仁美」內部欠公正、異見者皆被踢出會，矛頭直指身為會長的黎燕珊及主席羅霖。昨晚黎燕珊、陳綺明、筱靖、黎虹讌及姚佳雯等在亞視大埔總台出席晚宴，黎燕珊說：「宮雪花件事其實係過年前發生，新會章都有講嚴重破壞會嘅形象會被革除。」問到可覺得投訴信與宮雪花有關？她語帶雙關的說：「你哋都話畀我聽係邊個啦！我唔係話宮雪花呀！佢個人好好，對會務又好投入，上次件事佢解釋係意外，但我哋都要向主辦單位負責o架！」她又強調「仁美」是法定慈善團體，凡事皆由眾人決議，更否認攬權。談到會員資格，她說：「入會係要經過我哋內部審查，唔想易請難送。」

至於羅霖昨晚出席另一個活動，對於有要求王征介入及重選，她說：「如果有人肯做，好願意交畀佢，我年尾都卸任，規定唔可以連任。開始嘅時候好難集齊咁多人，係發起人葉家寶搵我哋，覺得我哋有代表性。」而黎淑賢接受電訪問時則透露去年十一月已退會，但未收到「仁美」回覆，她寧願在家相夫教子，以免招惹是非。