中巴明撐暗踩崔建邦

崔建邦舊愛鄺敏慧與前緋聞女友Marina V.昨日同場，還被安排揮劍「比武」！對於樂易玲直指崔建邦適宜由打雜做起，鄺敏慧即揶揄對方有機會重新來過也是好事。

崔建邦前女友鄺敏慧（中巴）與前緋聞女友Marina V.昨日一同出席尖沙咀新太陽廣場舉行的《新地中國古代劍器展》活動，兩人被安排即場揮劍「比武」。中巴表示事前並不知道與Marina同場，但坦言不介意，期間她被司儀問到會否喜歡懂功夫的男孩子？她即煞有介事，問到是否還有陰影？她說：「我識得保護自己，所以唔需要識功夫嘅男朋友，我依家識得揀男朋友。」

對於有指樂易玲建議崔建邦做幕後，中巴說：「我冇留意呢啲新聞。（心涼？）唔會再在意。（你覺得佢適唔適合做幕前？）我諗佢會幫自己安排，相信佢都會做得好！（樂小姐話佢由打雜做起，覺唔覺得佢自己攞嚟？）每個人都可以選擇自己嘅路，有機會畀佢重新嚟過都係好事，我自己都重新嚟過啦！（如果佢追番你呢？）冇乜機會，因為我哋已經冇聯絡同見面。」

Marina唔鍾意爭仔

至於Marina透露農曆新年曾聯絡崔建邦，指對方一切無恙。對於被安排與中巴「揮劍」狀似打鬥，她笑說：「我向來唔鍾意爭嘢，亦都冇爭過，我覺得應該係男仔爭女仔，而唔係女仔爭男仔。」

名人組