望拍拖跑馬拉松 阿SaWilliam猛操

蔡卓妍為渣打馬拉松參賽者打氣，透露男友陳偉霆（William）變身魔鬼教練強迫她做運動，希望明年可以拍拖跑馬拉松！

蔡卓妍（阿Sa）、周柏豪、梁佑嘉及王梓軒等昨日為馬拉松比賽擔任打氣嘉賓，關智斌、陳家樂、at17、鄭欣宜男友Mark Ryan及巨聲幫等落場參加10公里賽事。身形纖瘦的阿Sa表示，平日只是玩跑步機不算勤力，但大讚男友陳偉霆有恒心更兼任魔鬼教練：「佢成日逼我做運動，我跑兩下覺得熱就想停，不過佢就要我繼續跑，跑多咗身體真係好咗啲！」問到明年會否情侶檔參賽？阿Sa指要睇機會，但自爆William亦被她迫令「食多啲」，因此要更加努力做運動！

關智斌想暈想嘔

關智斌及陳家樂已是第3年參賽，但兩人跑步前未有進食，跑畢全程的關智斌大呼好辛苦：「又凍又餓又落雨，真係跑到我想暈又想嘔！」至於第4年參賽的at17成員盧凱彤於1小時內完成，林二汶則與媽媽結伴跑，最後更搞笑地與跑全馬的冠軍齊齊衝線！另外，日前柏豪接受訪問，談到與賭王千金超盈與超蓮的緋聞，他強調大家只是朋友，更直言戀人間若貧富懸殊會有壓力。