蒙嘉慧預演做鄭太

蒙嘉慧（YoYo）昨日穿上婚紗，與鄭嘉穎、田蕊妮及麥長青等逾20位藝員，化身成十一對新人宣傳新劇，身為鄭伊健女友的YoYo，被鄭太前、鄭太後稱呼，她高興得作勢抱起鄭嘉穎來拍照。

蒙嘉慧、鄭嘉穎及梁政珏等昨日到屯門黃金海岸酒店宣傳無綫新劇《Only You只有您》，唐詩詠及李亞男等雖以低胸婚紗亮相，但論搶鏡程度，始終不及以開胸低V婚紗示人，盡騷左右半球的梁政珏。當YoYo與鄭嘉穎攜手進場時，田蕊妮及姚嘉妮等大叫「鄭太」，YoYo顯得頗為受落，問到YoYo是否心急想做「鄭太」時，她說：「唔好咁講，係監製王心慰帶頭玩先嘅！着婚紗原來好辛苦，我覺得應該求一段婚姻，而唔係求一個婚禮，第時婚紗我想黑白兩色，點解一定要白色啫？不過有人話唔吉利，到時至算。」

鄭嘉穎則否認翻撻佘詩曼，他說：「雜誌嘅嘢唔好盡信，我哋一路係好朋友，過年我有SMS佢拜年，佢整親，我都有慰問佢，祝佢早日康復。（阿佘係咪你擇偶類型？）好難講係唔係，最重要講感覺。」

至於唐詩詠與李亞男則鴻運當頭，抽中價值1,800元的金兔，詩詠說：「我細個冇抽獎命，自從攞完（飛躍進步女藝員）就開始有。（舊愛崔建邦要轉做幕後？）冇聯絡，但人生好似跑馬拉松咁，中間或者會跣低，最重要識起身同知自己目標。」

梁政珏升Cup Big爆

性感爆燈的梁政珏則說：「婚紗公司畀咗幾件婚紗我揀，呢件改動最少，我已經黐咗膠紙。（真空？）近排肥咗，上圍升到34D到E之間，入面逼到着唔到其他嘢！（第時結婚照樣性感？)唔會，怕自己屋企人唔鍾意。」