Alice B.解扣任望蝶變

新「Canon女」Alice B.在廣告中與葛民輝大跳辣身舞，連帶胸前的蝴蝶紋身亦翩翩起舞，惹人遐想！不過，她嫌紋身未夠搶眼，日前到刺青店找師傅將它「發揚光大」，期間任由對方篤胸，非常大方！

英泰混血兒Alice B.繼「警鐘模」Jessica C.（JC）、Paula T.及Melanie Z.後，接棒成為第4代「Canon女」，雖然她不像JC般有噴血「警鐘胸」，但左胸上的蝴蝶紋身同樣惹火！

日前下午3時半，Alice獨自在又一城的琉璃工房內閒逛，由於她所穿的大圓領上衣沒有扣上最上的鈕扣，露出雪白心口，當她俯身挑選燭台時，胸前的蝴蝶輕輕飛舞，非常誘人！看完燭台後，Alice看中一條約值2千元的頸鏈，並在鏡前試戴，最後她買下頸鏈及小擺設便離開。

Shopping後，Alice轉戰尖沙咀，前往漢口道的星級刺青店ACEDRAGON TATTOO，並與行內極具名氣的紋身師傅Gabe見面。有意再紋身的Alice，以手勢表示想要一個大範圍的紋身，由胸前的蝴蝶作起點，橫跨香肩及玉背，她更主動掀開衣領，露出紋身來諮詢師傅意見，期間大方任篤胸！

篤魚蛋醫肚

她看過師傅的畫冊後，對其構思極感興趣，再到圖案架細看，但最終沒有即時紋身，逗留約20分鐘便離開。途經小食店時，她被香味吸引，買下咖喱魚蛋邊行邊食。

事後記者致電Alice，問到紋身一事，她說：「個蝴蝶係我16歲時紋嘅，對我好有意義，係代表我人生嘅蛻變！我16歲前生活好艱苦，因為家姐患重病，父母要照顧佢，所以我要照顧自己，真係好唔容易。（想再紋身？）係，我想紋個好大嘅紋身，紋到成個背脊都係，但公司叫我唔好再紋住，可能要等第時唔做Model先紋。」

Profile

姓　　名：Alice Burns

血　　統：英泰混血兒

出生日期：90年7月22日

身　　高：177cm

體　　重：50Kg

三　　圍：32B、24、35

廣告經驗：Canon、杜蕾斯、滙豐銀行