林司敏DIY改裝夠特「飾」
江若琳小師妹林司敏（Ciwi）年僅19歲，如普通少女一樣超愛Shopping。她早前往韓國旅遊時，經過一間專賣首飾的店舖，發現顧客可自行嵌砌飾物，隨即出擊自製心頭好，她說：「個品牌都幾出名，好多韓星都有戴！呢度仲好特別可以DIY首飾，我當然唔執輸！最後整咗個C字嘅戒指，仲買咗啲手鈪同頸鏈添！」Ciwi表示向來喜歡將飾物拆散及改裝一番，故DIY戒指可謂冇難度。
自認是粉紅癡的Ciwi，對粉紅、桃紅或紅色情有獨鍾，故她在韓國看到一個貌似工具箱的紅色旅行篋時，即急不及待據為己有，她說：「個篋嘅外形四四方方，好正！（幾多錢？）大約五百幾蚊港元，雖然有啲重又唔夠大，但如果去旅行一、兩日都夠用，好多人都話好靚！」
貪靚的林司敏在韓國狂掃首飾。
林司敏悉心自製獨一無二的C字戒指。
Ciwi見到這個紅色旅行篋即一見鍾情。