娜姐(慶)到發燒

周秀娜（Chrissie）前晚與石詠莉前後腳出席活動，對於石詠莉踢爆有C及D字頭英文名o靚模出席「飯局」，Chrissie坦言睇到頭痛兼發燒。

周秀娜、新舊八模Suki、Annie G.、Hailey C.、石詠莉、鄭欣宜、新人吳若希及薛家燕等前晚出席活動，由於石詠莉日前大爆「飯局名單」，令她與Chrissie成為追訪對象，可惜兩人前後腳到場，未有機會碰面，發燒的Chrissie懶理對方言論，只暗寸對方博宣傳：「睇完頭痛同發燒，唔回應唔想幫人宣傳。（唔驚畀人誤會你有份？）唔會。」問到有否被「問價」？Chrissie不置可否的說：「唔回應。」對於陳小春在微博寸石詠莉為「爆石」及「妖精」，Chrissie笑笑口說：「唔知。（個名改得啱？）唔識答。」

反擊小春爆花名

風騷到場的石詠莉反擊小春說：「『爆石』花名一向都有，爆石好大工程。」被指博宣傳的她澄清說：「我唔只講o靚模，係講時下女性價值觀，我唔會開名，唔想搞大件事。（依家都搞大咗？）大家誤會太深，可能表達能力唔好，誤會咗個意思，Sorry！」知衰的她更認衰說：「我唔係博紅同出名，要咁賺錢非我所為，係我唔啱，認衰女，經一事長一智，怪自己太直言。」另外，石詠莉昨日凌晨在微博就「飯局名單」言論解畫：「雖然見到責罵我的留言也會難過，但收到鼓勵的說話，我的心又會平靜下來，謝謝你們。」