藝人林峯今晚在馬來西亞舉行戶外演唱會，但當地春雨綿綿，前日綵排時便正下大雨，他擔心正式演出時天公不作美，台下觀眾會被淋濕，所以拜神時便誠心祈求，希望大家可以開心睇騷。首次在人工沙灘的場地演唱，舞台建在泳池上，他興奮地說：「之前睇過好多台灣演唱會都喺沙灘舉行，感覺好Relax！我希望將來都有機會喺真正嘅沙灘度開騷，台下觀眾可以着泳衣泳褲嚟睇騷。（係咪你都着泳褲唱歌？）我會着滑水褲同背心，泳褲就唔好獻醜喇！等我再將身形練好啲先諗啦！」
林峯誠心上香，祈求天公作美。
首次在沙灘開騷，林峯落力綵排。
