汪圓圓餵蔡加讚食Pizza 甜到漏
玩具大王蔡志明兒子蔡加讚被本報踢爆與甄子丹姨仔汪圓圓蜜運中，但一對小情人無懼傳媒耳目，元宵晚上到赤柱拍拖談心，更一件Pizza兩份食，甜蜜滿瀉！
日前元宵佳節，加讚為逗女友歡心，特別安排到較僻靜的赤柱共度，兩人先在公園手拖手漫步，期間又攬腰又倚着長櫈談心，認真甜到漏！其後他倆走到鄰近的Pizza店醫肚，期間圓圓更細心地餵男友食Pizza，令加讚甜入心！
記者致電蔡志明恭喜兒子有新戀情，他即笑說：「本來加讚話有個朋友介紹畀我識，點知未見到就畀你哋踢爆咗！（恨飲新抱茶？）唔急住，佢仲好細個，我就未見過圓圓，但老婆見過就話OK。」而蔡太李惠莉出席活動時被問到兒子的新戀情？她直認對圓圓印象不錯：「圓圓幾純品呀！我哋都有見過面，但現階段唔會催婚，希望仔仔搵到真愛先結婚。」
汪圓圓餵蔡加讚食薄餅，認真Sweet！
加讚和圓圓到公園談心又攬腰，愛得癡纏。
圓圓與加讚拖手漫步，共度甜蜜元宵佳節。