樂易玲指「玩完」崔建邦宜打雜做起
涉停牌駕駛的崔建邦（Amigo）形象大插水，個多月來被迫閉關鮮有工作，但與無綫合約尚未屆滿。無綫製作資源部總監樂易玲昨日透露稍後會約見，雖坦言他的「Glamous Life（演藝生命）短時間內唔可能再有」，但仍希望點條生路讓Amigo重生。
樂小姐以04年犯藏毒、及後改過自新的周永恒為例，她說：「崔建邦係有才華，但係佢自己影響咗自己，坦白講佢嘅Glamous Life（演藝生命）短時間內唔可能再有！佢可以試吓轉做幕後，甚至由打雜做起，電視行業唔只係幕前，幕後都有好發展，好似周永恒入咗無綫做幕後，努力幾年後結埋婚，仲有埋小朋友！人變得積極，無綫都簽番佢做幕前。（崔建邦聽完有咩決定？）佢要時間諗，我約咗佢下禮拜見面再傾。（有冇問陳志雲意見？）冇！佢亦冇搵過我傾。」直至截稿前，崔建邦及陳志雲均未有回覆。
樂易玲約見崔建邦傾前途，未有詢問陳志雲意見。（資料圖片）
