羽翹冇被問價：應該檢討吓？
抵冷貪瀟湘的羽翹，昨日身穿短袖衫出席新歌發布會，凍到騰騰震！對於師姐石詠莉大爆飯局字母女星而遭陳小春在微博大罵「妖精」及「爆石」，羽翹哈哈大笑說：「好啦！有新花名，叫佢爆石莉！」問到曾否被問價，她自嘲：「冇，我係咪應該檢討吓？（博宣傳？）佢一向吱吱喳喳，唔係宣傳先咁講。」談及新歌《銅情深》本叫《念銅鑼》，但因老闆不喜歡才改名，她說：「填詞嘅小克好嬲，喺微博炮轟老闆，叫老闆尊重吓佢！」
至於石詠莉則表示會反省：「我讀小學嗰陣，真係有個花名叫『爆石』，因為我成日去廁所。佢當玩我唔介意嘅，但話我係妖精就真係有啲人身攻擊。我知自己口多，表達得唔好，我係想講年輕人對身體價值觀太低喇！我講得太直接，要反省吓。」
羽翹為師姐石詠莉改新花名「爆石莉」，認真冇大冇細！