千嬅佗B照着高踭鞋
楊千嬅、丁子高、趙彤、梁慧恩及陳志雲等，昨晚出席東華三院慈善晚會，身穿4吋高踭鞋的千嬅與老公丁子高前後腳抵達，問到若有BB怎可着高踭鞋？千嬅說：「我好專業，訓練有素！嚟緊4、5月拍新片，因為想要兔B，等埋呢兩個月，若果冇就等蛇年先生，因為老公唔鍾意龍年！（學袁詠儀佗住BB拍戲？）我年紀唔細，要小心！」她承認應好友何超蕸邀請赴會，問到對方有否與她傾心事，她說：「做朋友嘅嘢，家事唔問，做善事就不遺餘力！」
至於陳志雲未有與司儀王賢誌合照，但強調雙方沒有不和：「我同佢冇芥蒂！（無綫叫佢回巢？）歡迎所有有潛質嘅藝人返嚟，但我冇管藝人部，唔清楚！」對於節目《撳錢》近日惹人談論，志雲表示不便評論，至於是否推出草蜢主持的《華麗明星賽》對撼？他說：「唔可以咁講，個節目已經籌備咗一段時間，係代替志偉個節目！」
千嬅與老公丁子高同時亮相，自然成為焦點。
趙彤悉心打扮，令人眼前一亮！
近日何家新聞多多，超蕸仍畀面赴會。