徐濠縈Eason情人節各自搵食
潮媽徐濠縈前晚出席《CABANE de ZUCCa 2011春夏時裝展》，談及情人節，與陳奕迅（Eason）結婚5年的她自爆冇驚喜：「犀利喇！其實我嗰日有喺iPhone一個App入面甫相，但得圍內幾個朋友見到！嗰晚嘅節目係影住我同個女做功課，幫佢溫書。（Eason冇驚喜？）冇驚喜就係驚喜！我要留喺屋企，朋友笑我好似重讀小一。」
Eason經理人陳家瑛當晚送上魚翅及秘製餃子，讓他們一家三口享用，但由於Eason要開工，兩公婆只好各自「搵食」，阿徐說：「囡囡6點幾食，我8點幾食，Eason就唔知幾點。（冇癮？）唔會，都咁多年咯！佢有送吊墜畀我，仲要係早兩日送，因為嗰日我喺停車場撞到佢，見佢拎住個袋，佢話畀我發現咗咪送先囉！（咁你送咩畀佢？）冇呀！教好囡囡囉！」
另外，品牌的60歲日本設計師小野塚秋良專程來港，原來他完成今個系列後便退休，故阿徐把握機會與他合照。
徐濠縈在家陪囡囡溫書，過一個合家歡的情人節。
悉心打扮的徐濠縈，上台與設計師小野塚秋良合照。
模特兒演繹飄逸的春夏新裝，性感中見高貴。