林司敏滿屋鴨蹤可愛實用
寰宇新人林司敏（Ciwi）自小喜歡唐老鴨和有關鴨仔的卡通人物，消息傳開後，Fans不時為她尋找各式各樣的產品相贈，令她相當感動：「我細個好鍾意睇唐老鴨啲卡通片，覺得佢好得意可愛，小學開始都用有關佢嘅產品。點知Fans知道後，送咗好多好特別同有用途嘅產品畀我，真係好開心。」
Ciwi表示最喜愛是一個唐老鴨造型毛公仔，只要按一按它的肚子，就會唱出一隻生日歌，十分有趣，其次唐老鴨產品還有布袋、水杯、化妝盒和頸鏈等。而鴨仔產品中她最喜愛鴨仔毛公仔的擴音器，可以播放喜歡的音樂：「仲有一部唔似收音機嘅收音機，我覺得佢哋可愛係因為啲產品好實用。」她還有鴨仔USB分插器和鴨仔USB手指，造型可愛之極。
按着唐老鴨肚子便會唱出生日歌，甚得Ciwi歡心。
林司敏收到Fans送的大批鴨仔產品，令她甚為感動。
鴨仔收音機，賣相可愛又實用。