阿姐爆家英送「細鑽」
汪明荃（阿姐）、羅家英、黃日華及鄭欣宜等昨日出席社區活動，家英哥表示元宵與阿姐各有各度過：「我返咗中山打高爾夫球，夜晚先返到屋企，冇食湯圓喎！我成世人係廿年前送過一支黃玫瑰畀阿姐咋！（求婚？）求婚都冇送！（送鑽石？）佢依家手戴緊嗰隻咪我送囉，1卡左右，我咁嘅身家邊送到咁大粒吖！」惟阿姐坦言已忘記家英哥送花，還否認手中鑽戒是他送：「呢隻唔係佢送o架！佢送嗰隻略細！（詐型？）唔會，我平時做節目戴贊助嗰啲都10卡8卡，好大粒！佢送嘅細少少，係心形！」她更自言不會要求家英哥過節送禮。
另外，席間黃日華大展歌喉，表演時更走落台與觀眾握手，極受市民歡迎。至於欣宜則表示正籌備新碟，希望8月推出。
羅家英（左起）、阿姐及欣宜出席社區活動，為大家帶來歡樂。