杜汶澤開班授賴嘢心得
英皇高層吳雨昨日以校長身份率領王祖藍、杜汶澤、王晶、黎小田、甘國亮及葉念琛等星級導師，出席英皇娛樂演藝創意學院記者會，祖藍自爆因喜歡說話而自薦擔任導師，問到會否教授追女仔絕招？他說：「入行要專心工作，打穩咗事業基礎，做個出色男人先追女仔！（你都係出色男人？）唔係，我只係半途出家！」
而入行17年的杜汶澤坦言，因太多嘴而得罪不少圈中人：「我賴嘢賴得好透徹，會教新人學識做人！（分享賴嘢心得？）咁10年都講唔晒，我得罪嘅人數得出都有100個！」至於王晶被問到是否傳授演戲心得？他笑說：「乜都教啲，唔知吳雨要我做啲咩陰質事，不過培訓吓新人都好，唔好一嚟就打真軍同打出個心口！」
吳雨（前排左三）以校長身份率領星級導師出席記者會。
杜汶澤（左）作狀獻吻，嚇到王晶眼凸！