緋聞女友趙希洛:佢係Nice Guy

被封為城中「筍盤」的陳豪,入行以來曾先後與徐子珊、郭羨妮、趙希洛及佘詩曼等傳緋聞,去年與拍拖多年的廖碧兒分手,他竟聲稱「放盤」,相信引來不少城中「剩女」都爭相「攞籌」。

其中曾被指向陳豪大獻殷勤的無綫藝人趙希洛,二人合作拍無綫新劇《心戰》而傳緋聞,但隨着劇集完工,緋聞又告一段落。不過,趙希洛昨日聞悉陳豪「放風」,她又稱不敢相信:「佢真係好搞笑,佢唔會冇人吼,其實大把女仔吼佢啦!(你呢?)其實由始至終我同佢都係朋友咋……食過一餐飯,不過,陳豪的確係個Nice Guy,我身邊啲女仔朋友都喺澳洲返嚟,佢哋都想我介紹陳豪畀佢哋識,我都有同陳豪講過話介紹女仔佢識,佢竟然大笑!」

趙希洛讚陳豪好人,更自薦做紅娘。(資料圖片)

徐子珊是陳豪的緋聞女友之一。(資料圖片)

廖碧兒去年底與陳豪分手,金童玉女的神話破滅。(資料圖片)