「黃金剩男」陳豪放盤氹女埋身

陳豪自與廖碧兒分手後，即被視為城中「黃金筍盤」，成為一眾女星趨之若鶩的「獵物」，可惜他早前宣布「封盤」一年，令不少女神夢碎，但昨日他出席活動時竟突然轉軚高調「放盤」，希望釣得情人歸！

陳豪昨日以一身速遞員裝扮為日本品牌「宅急便」發布會出任嘉賓，一身搞笑裝扮的他引得在場人士哄堂大笑，港姐陳倩揚則任司儀。自去年底與廖碧兒分手後，向來專一、細心及孝順的陳豪就被封為城中鑽石王老五之一，有車有樓的他更有咖啡王子的美譽，成為不少女士的杯中茶。曾揚言「封盤」堅拒復合的陳豪，昨日出席活動時竟高調轉軚，笑言現時努力「放盤」，雖然襄王有心，不過就仍未有着落：「依家都多咗人有我電話喇！我本來都唔鍾意打攪人嘅，咪等人約囉！不過都等唔到！（等運到？）係呀！呢啲嘢『要嚟擋不到，唔嚟追唔到』，總之我對自己有信心！」但看來這招「以退為進」暫時成效不大。

去年失落「視帝」又失去女友，被形容為「雙失」的陳豪，今年農曆新年及情人節都在工作中度過，問到剛經歷情傷的他於情人節會否觸景傷情？他說：「OK啦！都係工作中度過，今年新年放多咗假，仲陪媽咪慶祝生日添！」他的前緋聞女友郭羨妮日前傳出婚訊，他表示亦有聽聞，但不會主動致電祝賀：「佢係我第一個緋聞女友，從嗰時開始學懂『男女授受不親』呢個道理，所以我連佢電話都冇o架！」

撐阿佘冇詐病

至於另一緋聞女友佘詩曼早前因受傷被迫辭演《法證先鋒III》，不過早前又傳出她因想轉戰內地而「詐病」呃無綫，對此，陳豪力撐對方：「我相信佢唔會咁做，而且出入醫院、睇醫生都有證明o架嘛！（佢想發展內地市場？）據我所知佢同無綫仲有約，不過如果真係咁，我希望佢走之前同我拍多套劇！」