G.E.M怕鬧唔講林宥嘉

鄧紫棋（G.E.M.）昨日出席活動，蜜運中的她全程笑意盈盈，問到Honey林宥嘉有否來港陪她過農曆新年，G.E.M.搞笑地說：「小熊維尼先要Honey，我鍾意米奇老鼠o架！」

昨日G.E.M.以紅噹噹打扮出席可口可樂《產品正面能量標籤》活動，期間與歌迷大鬥斟可樂。G.E.M.接受訪問時自爆大頭蝦忘記帶開工利是：「唔好意思呀！（預幾多錢派利是？）多過上年啦！上年啲人覺得我太細個唔好意思收，今年大個咗可以收啦！都有5位數字o架！」問到何時真真正正派利是？G.E.M.即扮傻反問記者甚麼意思：「太早啦！邊有人19歲派利是o架？起碼都廿幾歲啦！阿媽都問我會唔會早咗啲？（有人提出過？）咪你哋提出囉！」

婆婆催婚

她透露農曆新年期間到上海探望生病的婆婆，問到婆婆有否催婚？G.E.M.說：「細個嗰陣，婆婆有話想睇住我結婚。（快啲結啦！）邊有人咁早o架？我自己喺上海返嚟香港先，公司都話睇吓幾時嚟幫我收屍，因為我連照顧自己都唔識，點會照顧到家庭？（Honey有冇嚟過年？）小熊維尼先要Honey，我鍾意米奇老鼠o架！我唔講佢啦！成日講會畀人鬧！」