阿倫認做錯決堤

周旋於「兩房」之間的譚詠麟（阿倫）坦承做錯事，更帶淚首度公開多謝「身邊的女人」，令全場起哄！

前晚一連六場溫拿演唱會圓滿結束，溫拿請來許冠文、草蜢及Mr.擔任嘉賓，在互寸情史環節中，阿倫邊灑男兒淚邊說：「首先要多謝我媽咪，第二係多謝我身邊嘅女人，一直以來佢同我穩定大後方，穩定內憂，等我可以向前衝，世俗始終係世俗，有世俗嘅眼光，呢啲眼光令到佢哋生活變得好難，希望傳媒可以畀佢哋一啲空間，雖然食得鹹魚抵得渴，但嗰個係我，做錯事係我！」

否認食穿山甲進補

慶功宴上，阿倫坦言只是一剎那有感而發：「大家都咁多年！（講咗鬆口氣？）同佢哋鬆口氣！我喺兩邊都咁多年，感情一定深厚！」他希望傳媒勿亂作新聞，問到其說話是否代表兩房心聲？他說：「唔知，我講啫！有嘢搞我好喇！唔好搞佢哋，曾經試過喺街上亂追亂跑，我親自打電話畀有關人士，話有任何嘢發生一定私人追究，我講得出做得到！」此外，他否認吃穿山甲進補的報道，並強調溫拿個唱歌酬一向是五人平分。